பாம்பே லஸ்ஸி

 அண்ணா சாலையில் இருந்து எல்லிஸ் ரோட்டில் நுழைந்து மசூதிக்கு பக்கத்து தெருவில் நுழைந்து கடைசியில் இடது திரும்பினால் தேவி தியேட்டர் பின் கேட்டின் எதிரில் இக்கடை முப்பது வருடங்களுக்கு மேல் அமைந்துள்ளது. தொன்னூருகளில் தேவியில் டிக்கட் எடுத்துட்டு படம் பார்ப்பதற்கு முன் இங்க வந்து சமோசா சாப்பிடுபவர் அனேகம் நான் உட்பட. ஆனால் இப்போது வியாபார காரணங்களால் தியேட்டர் பின் கதவு சாத்தப்பட்டுவிட்டது.

ரிட்ச்சி தெருவில் சில எலக்ட்ரானிக் பொருட்கள் வாங்கிய பின் நேராக பாம்பே லஸ்ஸி கடைக்கு வண்டியை திருப்பினோம். தெருவில் தான் நின்று சாப்பிட வேண்டும். காரில் எல்லாம் இங்க வர நினைத்துகூட பார்க்காதீர்கள், அனைத்தும் குறுகிய தெருக்கள்.

முதலில் ஆளுக்கு ஒரு சமோசா (12₹) வாங்கினோம். சுடச்சுட உருளை சமோசா மந்தாரை இலையில் புதினா மற்றும் புளி சட்னியுடன் தந்தார்கள். முன்ன மாதிரி இல்லை, ஆனாலும் சுவையில் பிரமாதம். அதிலும் அந்த இரண்டு சட்னியும் வேற லெவல்.

கடைசியில் ஸ்பெசல் லஸ்ஸி (50₹) வந்தது. பாசுந்தியுடன் நல்ல கெட்டி
தயிரும் சர்க்கரையும் மிக்ஸ் செய்து ஒரு ஸ்பூன் தயிர் டாப்பிங்குடன் சர்க்கரை தூவி சாப்பிட வயிரும் மனதும் நிறைந்தது. வீட்டிற்கு கால் கிலோ பாசுந்தி்(100₹) வாங்கிய பின் விடை பெற்றோம்.

கூகிள் வரைபடம்: