அப்ஸோலூட் பார்பிகூ

அலுவலக நண்பர் ஒருவரின் பிரிவு உபசார உணவருந்தலுக்காக போரூரில் அமைந்திருக்கும் "அப்ஸோலூட் பார்பிகூ" நேற்று செல்ல நேரிட்டது. இரு நாட்களுக்கு முன்பாகவே டேபிள் ரிசர்வ் செய்து விட்டோம். இல்லாவிட்டால் நமக்கு இடம் கிடைப்பது சிரமம், முக்கியமாக வார இறுதி நாட்களில். இந்த இடம் சைவ மற்றும் அசைவ விரும்பிகளின் சொர்க்கம் என்றே கூறலாம். அத்தனை வகை உணவுகள்.

அமர்ந்த உடனே ஒரு லைவ் கிரில்லை டேபிளில் வைத்தனர். அது அபெடைசர் எனப்படும் ஆரம்ப உணவுகளுக்கு மட்டுமே. நாங்கள் வந்ததும் அதற்காகவே. சிக்கன், இறால், மீன், பைன் ஆப்பிள், பன்னீர், காளான், தர்பூசனி போன்றவை இரும்பு குச்சிகளில் சொருகப்பட்டு கிரில்லில் சாப்பிட சாப்பிட வைத்துக்கொண்டே இருந்தனர். இது தவிர மட்டன் சீக், அஜ்மீரி வெஜ் கபாப் ஆகியன தனியாக சமைக்கப்பட்டு பிளேட்டில் வைத்தனர். தொட்டுக்கொள்ள பல வகை சாஸ் வேறு.

தனியாக ஒரு பெரிய கிரில் வேறு இடத்தில் இருந்தது. அரிய வகை அசைவ உணவுகளான முயல், பார்பிகூ சிக்கன், ஈமு, சுறா, காடை, வாத்து கறி என பல. நாம் எதை கேட்குறோமோ அதை கேட்கின்ற சாஸில் வெங்காயம் மற்றும் பிற சேர்த்து வறுத்து கொடுக்கின்றனர்.

அதன்பிறகு மெயின் டிஷ்'இல் இறங்கினோம். சைவம் மற்றும் அசைவ உணவுகள் தனிதனியாக வைக்கப்பட்டிருந்தது. அசைவத்தில் சிக்கன், பிரியாணி, சிக்கன் பிரைட் ரைஸ், அஜ்மீர் சிக்கன் கிரேவி, நிஹாரி மட்டன், மலபார் ஷிரிம்ப், அஜ்வைனி மீன் ஆகியன மற்றும் சைவத்தில் வெஜ் பிரியாணி, வெஜ் நூடுல்ஸ், அப்பளம், பப்பட், நான், குல்ச்சா, சாதம், ரசம், தயிர் சாதம். இன்னும் நிறைய இருந்தன, நியாபகம் வைத்துக்கொள்ள மூடியவில்லை. அத்தனையும் தாறுமாறு லெவல்.

கடைசியா இனிப்புகள் என குலாப் ஜாமுன், பாஸ்ட்ரி, சாக்லேட் டிளைட் மற்றும் ரச மலாய் கொஞ்சம் கொஞ்சமாக என் பிளேட்டில் இருந்து மறைந்தன். கடைசியாக குளிர் கல்லில் செய்யபட்ட பான் ஐஸ்கிரிம் ஒரு ஸ்கூப். பான் சிறிது தூக்கலாகி விட்டது, இல்லையெனில் அருமையாக இருந்திருக்கும்.

இதற்கு மேல் நான் நிறுத்திக் கொள்கிறேன். என் படங்கள் பேசும் இனி.

பில் கட்டாம போனா எப்படி. பத்து பேரில் ஒருவருக்கு ப்ரீ. பதிநான்கு அசைவ மற்றும் இரண்டு சைவ நண்பர்களுக்கு மொத்த பில் 10,613₹.


கூகிலாண்டவர் வழிகாட்டி: https://goo.gl/maps/CW9RceTcJK12